يوميات في سطور

تدري ياللي تعثرت بالطفوله ..
انك تقدر تعيش طفولتك بكل الأعمار ...
دام المستقبل تقدر تطوله ..
خل الظلام اللي وراك يختفي..
خله يمضي مع الأسرار ...
تقدر تعيش باكر دور البطوله ..
بس لو ترفع راسك بكل اصرار ...
المعاناة: ..
تصنع أصل الرجوله ..
و هالحياة :..
ما تستمر بليَا نار ...
ابيك تعرف: ..
كل هدف (من الممكن حصوله )..
لكن ..الدنيا: ..
يبيلها قلب من حجار ...
تدري ياللي تعثرت بالطفولة ..
ان الحلم فيك عايش ..
هاك شوفه ..
( بعده ما طار) ...
تقدر تطيره بالوقت اللي تقوله ..
وتقدر تطير فيه وتِعلا فوق كل الأسوار ...
بس لا توقف كذا ..
و كأن الوقت محد حوله..
لأن
الوقت يركض ..
ويركض..
ويركض..
ولا بعمره وقف لاجل يسألنا !
وش اللي صار؟...
تدري ياللي تعثرت بالطفولة ..
ان الحلم فيك عايش ..
خذه..
هذا هو .. بعده ما طار ...
بقلمي
سيدة القصر
(سارة بنت طلال)