11-11-2015, 02:27 AM | #1 |
|
أحبك ولك أسعد الأحلام .. بقلمي
تكفى احكي لي حكاية قبل لا أنام ... قول لي كان يا ماكان .. في سالف العصر والأوان .. وبغير ذكر النبي ما يحلى الكلام ... وأنا بضم يديني حولك .. واتقصد أناظر عيونك .. وأرد بطفولة : عليه الصلاة والسلام ... ابدأ وقول لي:.. كان فيه واحد اسمه (أنا) .. يحب وحده اسمها (انتِ).. وطايح معها بأحلى غرام ... قول لي سافرنا مع بعض باريس .. قول لي مرينا بشارع نوتردام... وشفنا هناك رَجًال يرقص مع حبيبته .. وحولهم يعزفون ثلاثة أقزام ... قول لي الموسيقى بالحـــيـــل حلوه .. لكن بالطرف الثاني .. مشغول في عيونك رسام ... يخطف أطيافك لاجل تسكن عيونه .. يحاول بدقه يوصفك للأقلام ... وانا تذبحني الغيره .. وتملك عواطفي حيره .. وابتدي أفكر بطريقة انتقام ... وانت حبيبتي تلاحظين .. تاخذي ايديني وتركضين .. بسرعه نطير مع سرب الحمام ... وأول ما نوصل لندن تطيحين .. وتقولين أحبها .. وتترجيني فيها تظلين .. وانا الشي الطبيعي .. بوافق باستسلام ... تروحين بعيد عني .. بين الشتا والغيم .. تشتكين من غيرتي والضيم .. وانا قبل اشتكي حبي .. وأقولك تعب قلبي .. تدق ساعة (بيج بن) تراااااام ... ترااااااااااااااااااااااام ... وأهمس باذونك نمتي حبيبتي ؟.. أحبك.. ولكِ أسعد الأحلام ... [/CENTER] |
|
مواقع النشر (المفضلة) |
الكلمات الدليلية (Tags) |
أحبك , أسعد , الأحلام , بقلمي , ولك |
|
|