الدين ما بيغطيش .. بقلمي

يا ناس كفياكم كدب بقى..

و سيبونا ناكل عيش...

كل يوم تفترو عالدين بفتوى عجيبة..

ما بقيناش عارفين نعيش...

الراجل راح للشيخ وقالو..

لو رجاله ما يعرفوش ربنا..

اغتصبو مراتي..

أموت وانا بدافع عن شرفي..

ولا أسيبها وما يهمنيش...

رد عليه ابونا الشيخ وقالو..

امشي يبني وشوف طريقك..

الله لا يسيئك..

مش هينوبك غير نتف الريش...

وواحد تاني لبس العمه..

وبقى امامنا التقي..

اهوه.. بصو معايا كدا..

الدقن طويلة..

والتوب قُصير .. ومن الزهد مابيتكويش...

بس يا حرام مراتو مطهقاه في عيشتو..

اصلها ست ناقصة ما بتختشيش...

حكِتلها جارتها انها سافرت لندن..

وشافت راجل طول بعرض..

بيشتغل في القصر الملكي شويش...

واقف في مكانه.. لا بيرمشي..

ولا بيتحركشي..

طبعا..

أصل بره النظام عندهم واضح..

والظلم فيه ما بيتدريش...

بقت الست عايزه تسافر زي جارتها..

أصل نفسها تشوف سيدنا اللي طالع من الجيش...

بس امامنا التقي يجيب منين..

دا يادوبك عايش على البغشيش...

فضل سهران يا عيني طووووول الليل..

والصبح أصدر فتوى بتقول..

السفر للخارج بغير الضرورة القصوى!!!..

معصية وذنب!!!!..

يتساوى مع الخمرة والحشيش...

حد يقولي فين الحشيش بقى..

في الجهل اللي عشعش جوا عقولنا ؟؟..

ولا في الدين اللي بقى يتمد على قد الرجلين..

ومع ذلك ما بيغطيش!!!!!!!!....

بقلمي

سارة بنت طلال